LRN News جريدة الكترونية شاملة
مقالات مشابهة
الإعلام الصهيوني يهدد لبنان، ولك طز بتهديداتكم
بقلم ناجي أمهز
منذ فترة والإعلام الصهيوني ينقل تهديدات العدو الإسرائيلي بتدمير لبنان،
للحقيقة فزعنا يعني عن جد فزعنا وحياة بن إليعاز فزعنا
يا احمرة، شو بدكم تدمروا بلبنان
يا “جويم” شو بدكم تضربوا بلبنان
يا أبناء الشنكلفوطة، أنتم، لا تفهمون، ما بتسمعوا ، ما عندكم إعلام ينقلكم شو عم بصير بلبنان.
ما عندكم شوية كلابا بيشتغلوا معكم يخبرونكم، كيف عايش الشعب اللبناني.
يا مهابيل من نص ساعة واحد حرق زوجته لأن ما بدو ياها تجيب أولاد لأن ما معه حق حفاضات وحليب.
يا مجانين، حوادث الانتحار بسبب اليأس بلبنان، أكثر من حالات الولادة.
ونسبة الطلاق واصلة على المريخ، يعني روح اللبناني برأس منخاره،
بس عنجد فهموني شو بدكم تقصفوا.
الكهرباء، ما عنا كهربا
المستشفيات، الواحد منا عم تطلع حرارته ما معه يشتري قرص بنادول.
خزانات المياه، ما عنا مياه.
بدكم تسكروا الشركات، إيه عنا البطالة أكثر من الشعب اللبناني.
ما تكونوا بدكم تقطعوا عنا الخبز، وعنا الخبز مقطوع.
فهموني شو بدكم تقصفوا، أو شو بدكم تدمروا،
أنه بدكم تمنعوننا من السفر والسهر والروحه على المطاعم، يا مجانين 90 % من الشعب اللبناني إذا تروق ما معه يتغدى ،
الشعب اللبناني إذا بالصيف بدو يشغل المروحة، وبالشتي يتدفأ، بيقعد بلا أكل، كل شهر ليدفع فاتورة الاشتراك أو فاتورة التدفاية، مجانيين أنتم بدكم تخوفوننا.
يا أبناء شطو مطو، نحن لا معنا مصاريف ، ولا قادرين نفكر ببكرا، ويلي كان معه كم ليرة سرقتهم قرطه الفساد والمنظومة المالية.
ليك يا رئيس وزراء العدو، أنا أتحداك أن تسمي هدفا واحدا قادرا ان تضربه، يضربك عزرائيل شو أنك جلق ومرت، وكذاب ابن كذاب.
بتعرف شي يا رئيس وزراء العدو، أنا لما بفكر بحياة الشعب الفلسطيني كيف عايش وليش ما بيهجم عليكم فرد هجمة، لان الفلسطيني عم تقتلونه هو وصغير وهو وكبير، أنه شو الفرق إذا أنتم بتقرروا أي ساعة لازم يموت الفلسطيني، أنكم بتتركوه يشتغل وبس يصير بعمر معين بتقتلوه، كرمال يتيتموا أطفاله، أو لتدمروا بيته وتشردوهم، أنه شو هالحياة هيدي يلي بدكم الشعب الفلسطيني يخاف أنه ما يخسرها، عم خبرك هالقصة لقلك انه الشعب اللبناني واصل لمطرح اصعب من حياة الشعب الفلسطيني، بقى سد بوزك، يلعن ابوك على ابو يلي جابك على هالمنطقة.
بقي مثل ما قال السيد، أشرف لنا أن نموت في الحرب على أن نموت من الجوع والقهر،
أنتم غلطانين كتير ، لان طالما أمريكا عاملة علينا حصار، يعني رح نضل نفش خلقنا فيكم، وجربوا أنكم ما تجربوا تدقوا فينا، لان راح يوصل عواكم لقبرص.